idhar raha hun udhar raha hun
kahin nahin hun magar raha hun
ye kaisi aawaz aa rahi hai
ye kis jagah se guzar raha hun
ye kaisa KHadsha laga hua hai
ye kaun hai kis se Dar raha hun
hazaron suraj bujhe paDe hain
main apne andar utar raha hun
lahu ki bu sunghte hain kutte
hawa pe ilzam dhar raha hun
kahan chhupe ho batao 'alwi'
talash barson se kar raha hun
Ghazal
Idhar raha hun udhar raha hun
Mohammad Alvi