husn ki shama ka hun parwana
KHalq kahti hai mujh ko diwana
naqsh-e-pa par gae kiye sajde
kis qadar hosh mein tha diwana
hosh jate rahenge jaane do
tum sunoge hamara afsana
teri mahfil se uTh ke jate hain
ab basaenge koi virana
jis ne rakkha qadam mohabbat mein
aql se ho gaya wo begana
teri aankhon ke kaif se saqi
raqs mein hai tamam mai-KHana
baada-e-gham ne bhar diya 'jauhar'
zindagani ka meri paimana
Ghazal
Husn ki shama ka hun parwana
Jauhar Zahiri