hijr mein jo ashk-e-chashm-e-tar gira
ek payam haal-e-dil ban kar gira
doston ke tanz ka ek ek tir
barq ban ban kar mere dil par gira
jab uThaya bazm se us shoKH ne
main uTha uTh kar chala chal kar gira
wae ek muflis ka tha sab kuchh wahi
in dinon sailab mein jo ghar gira
kya ghazab hai zindagi ki dauD mein
rahzan aage baDha rahbar gira
Ghazal
Hijr mein jo ashk-e-chashm-e-tar gira
Badar Jamali