hawa ke chalte hi baadal ka saf ho jaana
jo habs TuTna barish KHilaf ho jaana
mere KHamir ki dahqaniyat jatata hai
ye tum se mil ke mera shin qaf ho jaana
ghurur-e-husn se koi umid mat karna
KHataen karna to KHud hi muaf ho jaana
main tez dhup mein jal kar bhi yaad karta hun
wo sard raat mein us ka lihaf ho jaana
mujh aise shaKHs ko raushan-zamir kar dega
wo be-qarar hai ye inkishaf ho jaana
Ghazal
Hawa ke chalte hi baadal ka saf ho jaana
Mehshar Afridi