hashr par wada-e-didar hai kis ka tera
lakh inkar ek iqrar hai kis ka tera
na dawa se use matlab na shifa se sarokar
aise aaram mein bimar hai kis ka tera
lakh parde mein nihan shakl hai kis ki teri
jalwa har shai se numudar hai kis ka tera
aur pamal-e-sitam kaun hai tu hai 'beKHud'
us sitamgar se sarokar hai kis ka tera
Ghazal
Hashr par wada-e-didar hai kis ka tera
Bekhud Badayuni