harf lafzon ki taraf lafz maani ki taraf
lauT aae sabhi kirdar kahani ki taraf
us se kahna ki dhuan dekhne ke laeq hoga
aag pahne hue jaunga main pani ki taraf
pahle misre mein tujhe soch liya ho jis ne
jaana paDta hai use misra-e-sani ki taraf
dil wo dariya hai mere sina-e-KHali mein ki ab
dhyan jata hi nahin jis ki rawani ki taraf
Ghazal
Harf lafzon ki taraf lafz maani ki taraf
Abhishek Shukla