har taraf tazkira-e-jurm-o-saza hota hai
aaj hum samjhe ki banda bhi KHuda hota hai
jaise rahte hon kisi shaKHs ki jagir mein hum
dil mein rah rah ke ye ehsas sa kya hota hai
ham-nashin ghaur na kar baat ko mahsus to kar
is chhaTi his mein koi KHatra chhupa hota hai
apne ehsas mein ai waiz-e-taslim-o-raza
rind paimana-ba-kaf ho to KHuda hota hai
kitna pyara hai wo 'nuri' mera waqti dushman
meri be-rah-rawi par jo KHafa hota hai
Ghazal
Har taraf tazkira-e-jurm-o-saza hota hai
Karrar noori