har taraf satwat-e-arzang dikhai degi
rang barsenge zamin dang dikhai degi
barish-e-KHun-e-shahidan se wo aaegi bahaar
sari dharti hamein gul-rang dikhai degi
parbaton se nikal aaenge thirakte paikar
naghma-zan, KHamushi-e-sang dikhai degi
raaz mein rah na sakegi koi izhaar ki lai
ek na ek surat-e-ahang dikhai degi
soch ko jurat-e-parwaz to mil lene do
ye zamin aur hamein tang dikhai degi
taj kanTon ka sahi ek na ek din lekin
aashiqi zinat-e-aurang dikhai degi
jab bhi parkhega koi pyar ke meayar 'qatil'
sari duniya mere pasang dikhai degi
Ghazal
Har taraf satwat-e-arzang dikhai degi
Qateel Shifai