har sang mein sharar hai tere zuhur ka
musa nahin ki sair karun koh-e-tur ka
paDhiye durud husn-e-sabih-o-malih par
jalwa har ek par hai mohammad ke nur ka
toDun ye aaina ki ham-aghosh-e-aks hai
howe na muj ko pas jo tere huzur ka
bekas koi mare to jale us pe dil mera
goya hai ye charagh ghariban ki gor ka
hum to qafas mein aan ke KHamosh ho rahe
ai ham-safir faeda nahaq ke shor ka
saqi se kah ki hai shab-e-mahtab jalwa-gar
de basma-posh ho ke tu saghar bilor ka
'sauda' kabhi na maniyo waiz ki guftugu
aawaz-e-duhul hai KHush-aind dur ka
Ghazal
Har sang mein sharar hai tere zuhur ka
Sauda Mohammad Rafi