hansne nahin deta kabhi rone nahin deta
ye dil to koi kaam bhi hone nahin deta
tum mang rahe ho mere dil se meri KHwahish
bachcha to kabhi apne khilaune nahin deta
main aap uThata hun shab-o-roz ki zillat
ye bojh kisi aur ko Dhone nahin deta
wo kaun hai us se to main waqif bhi nahin hun
jo mujh ko kisi aur ka hone nahin deta
Ghazal
Hansne nahin deta kabhi rone nahin deta
Abbas Tabish