Hamara dilbar-e-gulfam aaya

hamara dilbar-e-gulfam aaya
qrar-e-jaan-e-be-aram aaya

kamand-e-pech-o-tab-e-zulf kun khol
shikar-e-dil kun le kar dam aaya

shitabi hosh kun sar sin badar kar
junun ka mujh taraf paigham aaya

kare ta-bulbul-e-dil kun ghazal-KHwan
bahaar-e-ishq ka hangam aaya

ai zahid bhag is zulf-e-siyah sin
ye kafir dushman-e-islam aaya

birah ke mahke sin qatl-e-dil par
piyaada gham ka le ealam aaya

hui josh-e-mohabbat sin zaban band
sanam ka darmiyan jab nam aaya

bala hai tujh nigah ki saif ka war
dil-e-betab aaKHir kaam aaya

'siraj' aane mein us jadu-nazar ke
shakeb o taqat o aaram aaya