hum tere ishq mein kuchh aaise Thikane lag jaen
reg-zaron mein phiren KHak uDane lag jaen
DhunDta rahta hun hathon ki lakiron mein tujhe
chahta hun mere hathon mein KHazane lag jaen
ye alag baat ki tajdid-e-talluq na hua
par use bhulna chahun to zamane lag jaen
shahr-e-be-shakl mein ai kash kabhi aisa ho
hasb-e-tartib kai aaina-KHane lag jaen
Ghazal
Hum tere ishq mein kuchh aaise Thikane lag jaen
Ahmad Ashfaq