ham-safar hota koi to banT lete duriyan
rah chalte log kya samjhen meri majburiyan
muskuraate KHwab chunti gungunati ye nazar
kis tarah samjhen meri qismat ki na-manzuriyan
hadson ki bhiD hai chalta hua ye karwan
zindagi ka nam hai lachaariyan majburiyan
phir kisi ne aaj chheDa zikr-e-manzil is tarah
dil ke daman se lipaTne aa gai hain duriyan
Ghazal
Ham-safar hota koi to banT lete duriyan
Sardar Anjum