hum quwwat-e-jazb-e-dil dikhaen
aur phir wo hamare ghar na aaen
kya chir ke sina-e-dil dikhaen
kuchh haal suno to hum sunaen
ai baKHt kahan talak burai
ai charKH kahan talak jafaen
hum sina-sipar kiye khaDe hain
wo shauq se KHanjar aazmaen
jo kaam mein ghair ke huin sarf
afsos wo dil-ruba adaen
shayad ki hai garm-e-nala 'saqib'
chalti hain sharar-fishan hawaen
Ghazal
Hum quwwat-e-jazb-e-dil dikhaen
Shahabuddin Saqib