hum ne us shoKH ki ranai qamat dekhi
chalti phirti hui taswir-e-qayamat dekhi
mohtasib jam-o-subu ghar mein hamare nikle
hum ne ye hazrat-e-zahid ki karamat dekhi
main chala dil ka janaza jo baghal mein le kar
bole main ne yahi chalti hui turbat dekhi
hum gae su-e-adam tu na wahan se aaya
nama-bar rah teri ta-dam-e-rehlat dekhi
hai ye tabir ki qad par tere aashiq honge
KHwab mein hazrat-e-zahid ne qayamat dekhi
aa gai yaad mujhe waiz-o-naseh ki 'wasim'
zer-e-turbat jo nakirain ki surat dekhi
Ghazal
Humne us shoKH ki ranai qamat dekhi
Waseem Khairabadi