Humne bandhe hain us pe kya kya joD

hum ne bandhe hain us pe kya kya joD
par chala ek bhi na fiqra joD

joDta hai jo tu mohabbat ka
hum se zunnar-dar rishta joD

sar-e-dushman na toDiye kab tak
mujh pe chalta hai wo hamesha joD

ai rafu-gar jo Tank jama-e-tan
tar tar aur purza purza joD

zulfiqar-e-ali ki tujh ko qasam
sar juda jis se ho wo fiqra joD

nisbat-e-zulf jaise sumbul ko
waise nafe ka mushk nafa joD

hum usi ko kahenge aaina-saz
de hamara jo dil shikasta joD

mazhara be ka 'shad' urdu mein
jaanta hun alif hi hai ka joD