hai shakl teri gulab jaisi
nazar hai teri sharab jaisi
hawa sahar ki hai in dinon mein
badalte mausam ke KHwab jaisi
sada hai ek duriyon mein ojhal
meri sada ke jawab jaisi
wo din tha dozaKH ki aag jaisa
wo raat gahre azab jaisi
ye shahr lagta hai dasht jaisa
chamak hai us ki sarab jaisi
'munir' teri ghazal ajab hai
kisi safar ki kitab jaisi
Ghazal
Hai shakl teri gulab jaisi
Muneer Niyazi