hai mah ki aaftab kya hai
dekho to tah-e-naqab kya hai
main ne tujhe tu ne mujh ko dekha
ab mujh se tujhe hijab kya hai
aae ho to koi dam to baiTho
ai qibla ye iztirab kya hai
us bin hamein jagte hi guzri
jaana bhi na ye ki KHwab kya hai
mujh ko bhi gine wo aashiqon mein
is baat ka so hisab kya hai
sipara-e-dil ko dekh us ne
puchha bhi na ye kitab kya hai
is mai-kada-e-jahan mein yaro
mujh sa bhi koi KHarab kya hai
qismat mein hamari 'mushafi' hae
kya jaane sawab azab kya hai
Ghazal
Hai mah ki aaftab kya hai
Mushafi Ghulam Hamdani