hath mein mahtab ho jaise
khuli aaankhon mein KHwab ho jaise
mere ham-sae mein jo rahta hai
mujh sa KHana-KHarab ho jaise
chand nikla to is qarine se
ek hasin be-hijab ho jaise
ham-safar DhunDne ko nikla hun
mausam-e-intiKHab ho jaise
yun gunahon ki yaad aati hai
aaj yaum-e-hisab ho jaise
aankh muddat se tar nahin 'abid'
KHushk apna chanab ho jaise
Ghazal
Hath mein mahtab ho jaise
Abid Wadood