han usi din dhup mein haryaliyan shamil huin
is zamin ki zardiyon mein laliyan shamil huin
baad-e-azadi mein hum sab nachne walon ke sath
phul pahne raqs karti Daliyan shamil huin
bu-e-gul se jaaniye kyun bu-e-KHun aane lagi
bagh mein jab se teri rakhwaliyan shamil huin
qahr to us waqt TuTa tha saf-e-ada mein jab
chashm-o-lab se qatl karne waliyan shamil huin
KHair ko shar aur shar ko KHair karne mein yahan
jaaniye kin kin ki bad-amaliyan shamil huin
itna pyara ho gaya hun doston ko kya kahun
jab bhi mera zikr aaya galiyan shamil huin
Ghazal
Han usi din dhup mein haryaliyan shamil huin
Aftab Iqbal Shamim