guzarish kar saba KHidmat mein tu us la-ubaali ke
tere jaane se gul murjha gae hain naqsh-e-qali ke
mere aaghosh jab se uTh gaya hai to main rota hun
nahin thamte hain ashk-e-chashm taswir-e-nihaali ke
main be-KHud hun mujhe mazur rakh rone mein ai saqi
meri chhati bhari hai dard se mina-e-KHali ke
tasawwur mein tasadduq mein hun main us shama-ru upar
hain goya 'ishq' hum taswir-e-fanus-e-KHayali ke
Ghazal
Guzarish kar saba KHidmat mein tu us la-ubaali ke
Ishq Aurangabadi