gulshan-e-jag mein zara rang-e-mohabbat nin hai
bulbul-e-dil kun kisi sath ab ulfat nin hai
aashnai seti mardum ke hun az bas bezar
ruKH-e-darpan ki taraf chashm kun raghbat nin hai
kya ajab hai jo diya jaan ko yakbar patang
ta-sahar shama kun jalne seti fursat nin hai
kyun gareban kun kiya chaak zi-sar-ta-daman
gul kun bulbul sun agar tarz-e-murawwat nin hai
mujh kun bawar nahin paigham-e-zabani qasid
kya sabab hai ki tere hath kitabat nin hai
muntaKHab kar ke waraq dil pe likhe hain ahbab
garche zahir mein mere sher ki shohrat nin hai
na-tawani sati barja hai alamat na karo
rang-e-'daud' kun parwaz ki taqat nin hai
Ghazal
Gulshan-e-jag mein zara rang-e-mohabbat nin hai
Daud Aurangabadi