Ghubar dil se nikala nazar ko saf kiya

ghubar dil se nikala nazar ko saf kiya
phir us ke baad mohabbat ka e'tiraf kiya

jo wo nahin tha to main muttafiq tha logon se
wo mere samne aaya to iKHtilaf kiya

har ek jurm ki pata raha saza lekin
har ek jurm zamane ka main ne maf kiya

wo shab guzarne aaega mere kuche mein
hawa-e-sham ne dhire se inkishaf kiya

is anjuman mein main aaya tha jin ki marzi se
unhen tumhaari nazar se mere KHilaf kiya