اردو हिंदी
Girna nahin hai aur sambhalna nahin hai ab | Shaahi Shayari
girna nahin hai aur sambhalna nahin hai ab

Ghazal

Girna nahin hai aur sambhalna nahin hai ab

Mughni Tabassum

;

girna nahin hai aur sambhalna nahin hai ab
baiThe hain rahguzar pe chalna nahin hai ab

pichhla pahar hai shab ka sawere ki KHair ho
bujhte hue charagh hain jalna nahin hai ab

hai aastin se kaam na daman se kuchh gharaz
patthar bane hue hain pighalna nahin hai ab

manzar Thahar gaya hai koi dil mein aan kar
duniya ke sath us ko badalna nahin hai ab

lab-ashna-e-harf-e-tabassum nahin rahe
dil ke lahu ko ashk mein Dhalna nahin hai ab