gharon mein yun ujala ho gaya hai
har ek zarra sharara ho gaya hai
nahin sunta koi shor-e-qayamat
zamana kitna bahra ho gaya hai
qaside ki nai tarif likkho
taaruf ab qasida ho gaya hai
bahut unchi hui diwar dil ki
ajab us ghar ka naqsha ho gaya hai
shaben gar sach kaho to jaan jao
ki kyun dil aaj tanha ho gaya hai
Ghazal
Gharon mein yun ujala ho gaya hai
Shabana zaidi shabeen