ghar mein saqi-e-mast ke chal ke
aaj saghar sharab ka chhalke
sog mein mere mehndi ke badle
lal karte hain hath mal mal ke
chhoDiye ab tawaf kaba ka
dair ki gard DhunDhiye chal ke
dil hai patthar sa un ka bhaari hai
warna hain kan ke bahut halke
talwa khujla raha hai phir mera
yaad karte hain KHar jangal ke
aaj murda 'saKHi' ka roega
is janaze ko dekhna chal ke
Ghazal
Ghar mein saqi-e-mast ke chal ke
Sakhi Lakhnvi