ghar bulata hai kabhi shauq-e-safar khinchta hai
dauD paDta hun mujhe jo bhi jidhar khinchta hai
is tarah khinchti hain mujh ko kisi ki aankhen
jaise tufan mein kashti ko bhanwar khinchta hai
kaise mumkin hai bhala chand na dekhe koi
husn kaamil ho to phir KHud hi nazar khinchta hai
sham Dhalte hi teri samt chala aata hun
jaise bhaTke hue panchhi ko shajar khinchta hai
us ke kuche se guzarne ka sabab hai tasir
ek jhonka sa hai KHushbu ka idhar khinchta hai
shauq ki baat hai warna suKHan aasan nahin
ek misra bhi miyan KHun-e-jigar khinchta hai
Ghazal
Ghar bulata hai kabhi shauq-e-safar khinchta hai
Mahmood Taseer