ghaDi jita ghaDi marta raha hun
use jate hue takta raha hun
main KHud ko samne tere biTha kar
KHud apne se gila karta raha hun
jo sare shahr ka tha us ki KHatir
main sare shahr se laDta raha hun
main waqt-e-KHana-e-mazdur tha so
ba-taur-e-imtihan kaTta raha hun
bahut pahchanta hun zahidon ko
tumhaare ghar ka main rasta raha hun
Ghazal
GhaDi jita ghaDi marta raha hun
Naeem Zarrar Ahmad