gham ki saughat hai KHamoshi hai
chandni raat hai KHamoshi hai
main akela nahin ki baaten hon
wo mere sat hai KHamoshi hai
meri barbaadiyon ki sazish mein
zabt ka hat hai KHamoshi hai
kaisa aaseb hai ki har jaanib
jashn-e-jazbaat hai KHamoshi hai
waqt ke zaKHm zaKHm honTon par
an-kahi baat hai KHamoshi hai
phir usi tarah garm mathe par
kanpta hath hai KHamoshi hai
subh-e-nau ho ki sham-e-gham 'aslam'
gosha-e-zat hai KHamoshi hai
Ghazal
Gham ki saughat hai KHamoshi hai
Aslam Kolsarii