gham-e-ahista-rau yan rafta rafta
kiya hai mujh kun hairan rafta rafta
wo sahir ne ada ka sehr kar kar
liya mujh sin dil-o-jaan rafta rafta
jigar ushshaq ka dagh-e-jafa sun
hua sehn-e-gulistan rafta rafta
kamand-e-zulf dikhla kar kiya hai
mere dil kun pareshan rafta rafta
zi-bas us yusuf-e-misri ke hain lab
hua dil misl-e-kanan rafta rafta
'siraj' ab tu na ho ghamgin ki rahman
karega mushkil aasan rafta rafta
Ghazal
Gham-e-ahista-rau yan rafta rafta
Siraj Aurangabadi