gham dete hain to iztirab na de
zindagi de magar azab na de
muskurane ke hain kai mafhum
muskura kar koi jawab na de
is ki tabir kis se puchhunga
meri aankhon ko koi KHwab na de
KHud-shanasi miTae deta hai
aish itna bhi be-hisab na de
mujh ko jo chahe de saza lekin
maslahat ki koi naqab na de
teri zid hai yahi agar saqi
zahr de de magar sharab na de
Ghazal
Gham dete hain to iztirab na de
Gauhar Usmani