ghair ke hath mein us shoKH ka daman hai aaj
main hun aur hath mera aur ye gareban hai aaj
laTpaTi chaal khule baal KHumari ankhiyan
main tasadduq hun meri jaan ye kya aan hai aaj
kab talak rahiye tere hijr mein paband-e-libas
kijiye tark-e-talluq hi ye arman hai aaj
aaine ko teri surat se na ho kyun kar hairat
dar o diwar tujhe dekh ke hairan hai aaj
aashiyan bagh mein aabaad tha kal bulbul ka
hae 'taban' ye sabab kya hai ki viran hai aaj
Ghazal
Ghair ke hath mein us shoKH ka daman hai aaj
Taban Abdul Hai