اردو हिंदी
Falak se chand sitaron se jam lena hai | Shaahi Shayari
falak se chand sitaron se jam lena hai

Ghazal

Falak se chand sitaron se jam lena hai

Bashir Badr

;

falak se chand sitaron se jam lena hai
mujhe sahar se nai ek sham lena hai

kise KHabar ki farishte ghazal samajhte hain
KHuda ke samne kafir ka nam lena hai

muamla hai tera badtarin dushman se
mere aziz mohabbat se kaam lena hai

mahakti zulfon se KHushbu chamakti aankh se dhup
shabon se jam-e-sahar ka salam lena hai

tumhaari chaal ki aahistagi ke lahje mein
suKHan se dil ko masalne ka kaam lena hai

nahin main 'mir' ke dar par kabhi nahin jata
mujhe KHuda se ghazal ka kalam lena hai

baDe saliqe se noTon mein us ko tulwa kar
amir-e-shahr se ab intiqam lena hai