fasla yun to bas makan bhar tha
lekin apna safar jahan bhar tha
dhup dil mein faqat guman bhar thi
abr aankhon mein aasman bhar tha
aankh bhar ishq aur badan bhar chah
shukr lab bhar gila zaban bhar tha
kya mila juz sukut-e-be-payan
shor sine mein karwan bhar tha
muzhda-e-wasl tha bas ek fiqara
KHauf-e-ada to dastan bhar tha
Ghazal
Fasla yun to bas makan bhar tha
Nazeer Azad