ek wahshat hai rahguzaron mein
qafile luT gae bahaaron mein
saz KHamosh aarzu bimar
koi naghma nahin hai taron mein
is taraf bhi nigah-e-duzdida
hum bhi hain zindagi ke maron mein
ye to ek ittifaq hai warna
aap aur mere gham-gusaron mein
aadmi aadmi na ban paya
bastiyan luT gain ishaaron mein
dekh kar waqt ke taghayyur ko
chand sahma hua hai taron mein
the kabhi ruh-e-anjuman 'shaukat'
ab to hain ajnabi se yaron mein
Ghazal
Ek wahshat hai rahguzaron mein
Shaukat Pardesi