ek paikar hai ki imsal mein aata hi nahin
jaise aaina KHad-o-KHal mein aata hi nahin
aasman ka ye qafas qaid kare bhi kaise
dil wo panchhi ki par-o-baal mein aata hi nahin
hum jise dekhte hain us ke alawa bhi hai
ek zamana jo mah-o-sal mein aata hi nahin
apne rahne ko bhi kiya shahr mila hai jis ka
haal ye hai ki kisi haal mein aata hi nahin
manta kab hai kisi sud-o-ziyan ko ye dil
aisa wahshi hai kisi chaal mein aata hi nahin
Ghazal
Ek paikar hai ki imsal mein aata hi nahin
Khalid Mahmood Zaki