ek KHushbu dil-o-jaan se aai
ek mahak zaKHm-e-zaban se aai
dasht-e-be-ab ki manind tha main
ye nai mauj kahan se aai
sard thi maut ki manind hayat
aanch si shola-e-jaan se aai
itni raunaq sar-e-bazar-e-wafa
mere sauda-e-ziyan se aai
kitni tarik thin raaten meri
raushni kis ke makan se aai
ishq ki daulat-e-bedar 'salim'
husn par husn-e-guman se aai
Ghazal
Ek KHushbu dil-o-jaan se aai
Saleem Ahmed