ek KHuda par takiya kar ke baiTh gae hain
dekho hum bhi kya kya kar ke baiTh gae hain
puchh rahe hain log are wo shaKHs kahan hai
jaane kaun tamasha kar ke baiTh gae hain
utre the maidan mein sab kuchh Thik karenge
sab kuchh ulTa sidha kar ke baiTh gae hain
sare shajar shadabi sameTe apni apni
dhup mein gahra saya kar ke baiTh gae hain
lauT gae sab soch ke ghar mein koi nahin hai
aur ye hum ki andhera kar ke baiTh gae hain
Ghazal
Ek KHuda par takiya kar ke baiTh gae hain
Abdul Hamid