ek hangama bapa hai mujh mein
koi to mujh se baDa hai mujh mein
inkisari mera shewa hai magar
ek zara zoam-e-ana hai mujh mein
mujh se wo kaise baDa hai kahiye
jab KHuda mera chhupa hai mujh mein
main nahin hun to mera kaun hai ye
itne janmon jo raha hai mujh mein
wahi lamhe to ghazal chheDte hain
jin ki gum-gashta sada hai mujh mein
dasht-e-zulmat mein ham-rah mere
koi to hai jo jala hai mujh mein
Ghazal
Ek hangama bapa hai mujh mein
Azad Gulati