dur tak ek sarab dekha hai
wahshaton ka shabab dekha hai
zau-fishan kyun hain dasht ke zarre
kya koi mahtab dekha hai
baam o dar par hai sholagi raqsan
husn ko be-naqab dekha hai
nama-bar un se bas yahi kahna
nim-jaan ek gulab dekha hai
ab zamin par qadam nahin Tikte
aasman par uqab dekha hai
meri nazron mein bankpan kaisa
jagta hun ki KHwab dekha hai
Ghazal
Dur tak ek sarab dekha hai
Zulfiqar Naqvi