dushman to mere tan se lahu chusta raha
main dam-ba-KHud khaDa hi use dekhta raha
jo phul jhaD gae the jo aansu bikhar gae
KHak-e-chaman se un ka pata puchhta raha
main par kar chuka tha hazimat ki manzilen
har chand dushmanon ke barabar khaDa raha
palkon pe jhulti hui shaffaf chilmanen
kal raat mera un se ajab silsila raha
us sang-e-dil ke pas kahan the wafa ke phul
'anwar-sadid' jis ko sada pujta raha
Ghazal
Dushman to mere tan se lahu chusta raha
Anwar Sadeed