duniya se wafa kar ke sila DhunDh rahe hain
hum log bhi nadan hain ye kya DhunDh rahe hain
kuchh der Thahar jaiye ai banda-e-insaf
hum apne gunahon mein KHata DhunDh rahe hain
ye bhi to saza hai ki giraftar-e-wafa hun
kyun log mohabbat ki saza DhunDh rahe hain
duniya ki tamanna thi kabhi hum ko bhi 'fakir'
ab zaKHm-e-tamanna ki dawa DhunDh rahe hain
Ghazal
Duniya se wafa kar ke sila DhunDh rahe hain
Sudarshan Faakhir