duniya se kaun jata hai apni KHushi ke sath
wabasta ho agar na azal zindagi ke sath
bas itni rasm-o-rah hai is zindagi ke sath
ek ajnabi safar mein mila ajnabi ke sath
yun dushmani bhi chalti hai ab dosti ke sath
jaise andhera rahta hai har raushni ke sath
mil jae mujh ko KHak jo qadmon ki aap ke
dil kya hai main to jaan bhi de dun KHushi ke sath
kya tujh ko KHauf hashr mein purshish ka 'intizar'
tera to hashr hoga muhibb-e-'ali' ke sath
Ghazal
Duniya se kaun jata hai apni KHushi ke sath
Intizar Ghazipuri