dukhon mein us ke izafa bhi main hi karta hun
aur is kami ka izala bhi main hi karta hun
zara bahut meri jhunjhlahaTen bhi jaez hain
ki madh-e-sahab-e-wala bhi main hi karta hun
KHushi ke KHwab sajata zarur hun lekin
saf-e-malal ko sidha bhi main hi karta hun
na apne feal ka gham hai na apne qaul ka dukh
nibahta hun to wada bhi main hi karta hun
tere visal ki KHushbu bhi sirf meri hai
tere baghair guzara bhi main hi karta hun
Ghazal
Dukhon mein uske izafa bhi main hi karta hun
Shakeel Jamali