doston ke hu-ba-hu paikar ka andaza laga
ek patthar ke badan par kanch ka chehra laga
dekhne wali nigahon mein agar tazhik hai
kaun kahta tha bhare bazar mein mela laga
KHwahishon ke peD se girte hue patte na chun
zindagi ke sehn mein ummid ka pauda laga
tere andar ki KHizan mayus kar degi tujhe
khiDkiyon mein phul rakh diwar par sabza laga
waqt har dukh ka masiha ho nahin sakta 'nawed'
zaKHm apne dil pe mat ehsas ka gahra laga
Ghazal
Doston ke hu-ba-hu paikar ka andaza laga
Iqbal Naved