dilon par naqsh hona chahta hun
mukammal maut se ghabra raha hun
sabhi se raaz kah deta hun apne
na jaane kya chhupana chahta hun
tawajjoh ke liye tarsa hun itna
ki ek ilzam par KHush ho raha hun
mujhe mahfil ke bahar ka na jaano
main apna jam KHali kar chuka hun
ye aadat bhi usi ki di hui hai
ki sab ko muskura kar dekhta hun
alag hoti hai har lamhe ki duniya
purana ho ke bhi kitna naya hun
Ghazal
Dilon par naqsh hona chahta hun
Shariq Kaifi