اردو हिंदी
Dil TuTne ka band ye ranj-o-malal kar | Shaahi Shayari
dil TuTne ka band ye ranj-o-malal kar

Ghazal

Dil TuTne ka band ye ranj-o-malal kar

Mahesh Janib

;

dil TuTne ka band ye ranj-o-malal kar
ab phenkna ye kanch kahan hai KHayal kar

masruf DhunDne mein hai koi shikar ko
baiTha hai koi apna yahan jal Dal kar

jis aadmi ko zahr bhi pachta tha ai tabib
pine laga hai aaj wo pani ubaal kar

nasur ho gaya tha ye na-qabil-e-rafu
dil phenkna paDa hamein aaKHir nikal kar

iman ko bhi apne jahan se bachaiye
locker mein mal-o-zar hi na rakhiye sambhaal kar

gar puchhna hi hai to zamane ka haal puchh
bare paDosiyon ke na hum se sawal kar

'jaanib' nasib wale to chahenge bas yahi
ho faisle jahan mein sikke uchhaal kar