dil se hai bahut gurez-pa tu
tu kaun hai aur hai bhi kya tu
kyun mujh mein ganwa raha hai KHud ko
mujh aise yahan hazar-ha tu
hai teri judai aur main hun
milte hi kahin bichhaD gaya tu
puchhe jo tujhe koi zara bhi
jab main na rahun to dekhna tu
ek sans hi bas liya hai main ne
tu sans na tha so kya hua tu
hai kaun jo tera dhyan rakhe
bahar mere bas kahin na ja to
Ghazal
Dil se hai bahut gurez-pa tu
Jaun Eliya