dil mein jab bhi kabhi duniya se malal aata hai
kitne hi zohra-jabinon ka KHayal aata hai
shama jalti hai to parwanon ka aata hai KHayal
aur bujhti hai to bujhne pe malal aata hai
nok-e-har-KHar nazar aati hai kyun tishna-e-KHun
dasht-e-pur-KHar mein kya koi ghazal aata hai
ain hijran mein bhi milti hai kabhi lazzat-e-wasl
ain lazzat mein bhi lazzat pe zawal aata hai
Ghazal
Dil mein jab bhi kabhi duniya se malal aata hai
Khurshid-ul-islam