Dil mein jab aa ke ishq ne tere mahal kiya

dil mein jab aa ke ishq ne tere mahal kiya
sab dast-o-pa-e-aql kun yak pal mein shal kiya

is zulf-e-pur-shikan sin sanam khol kar girah
aashiq ke dil ke uqda-e-mushkil kun hal kiya

sair-e-chaman kun jab ki hua lala-ru sawar
raaz-o-niyaz-e-bulbul-o-gul mein KHalal kiya

aqlim-e-dil sin aql ne li tab rah-e-gurez
jab suba-dar-e-ishq ne aa kar amal kiya

majlis mein aashiqon ki jab aaya wo shama-ru
mahjub ho ke shama ne surat badal kiya

ai shoKH-e-sehr-kar har yak bul-fuzul kun
tir-e-nigah ne bismil-e-tegh-e-ajal kiya

dekha hai jab sin misra-e-mauzun o qadd-e-yar
us din seti 'siraj' ne fikr-e-ghazal kiya